GARSCOM WEEKLIKSE NUUS 20ste April 2026
GARSCOM BEHEERKAMER TELEFOON NOMMERS:
 

• 012 993 0402

• 084 550 0826

​

MISDAADVERSLAG:

​

• Dit wil voorkom asof daar `n sindikaat is wat inwoners afpers deur hulle krag onwettig af te sny, hulle elektrisiteitsmeters te verwyder en hulle dan af te pers om dit terug te kry. Indien jou elektrisiteitsmeter
  ook verwyder is weens beweerde gepeuter, word jy aangesê om na die Hatfieldkantore te gaan om die probleem op te los. Daar sal jy `n groot boete kry of selfs genader word om omkoopgeld te betaal.
  Moenie saamwerk of die boete betaal nie, rapporteer dit aan ons, ons kan saamstaan en die regsroete volg. Dit is belangrik om genoeg beeldmateriaal in te samel om ons saak saam te stel. Op die stadium wil dit voorkom asof daar `n bakkie by die kragboks stop, 2 of 3 mense peuter aan die drade en ‘n tyd
  daarna kom die munisipale bakkie en neem fotos dat daar met die drade gepeuter is. Dieselfde modus opporandi het in ander woonbuurte gebeur. Wat moet jy doen as jy mense sien wat aan kragbokse peuter? Neem videos of fotos en kry asb soveel moontlik inligting van die bakkies soos die registrasienommer en tyd. Stuur al die inligting dan vir Anri Kemp by 082 758 2163. Vir meer inligting skakel vir Anri.

• Die steel van solar ligte neem baie toe. Verlede week is daar by die polisie heelwat gevalle aangemeld. Daar is wel een persoon betrap en gearresteer maar dit het nie die diefstal van die ligte gestop nie.
  By een van GarsCom se komplekse in is daar ook solar ligte gesteel wat by die hek gesinstalleer was. Enige verdagte persone wat jy in die straat, veral laat in die nag, opmerk skakel asb dadelik die
  GarsCom beheerkamer.

  • Geen ander voorvalle is verder aangemeld nie.

  • Maak baie seker dat jy aandag gee wanneer jou honde blaf. Moet nie saans uit die huis gaan om ondersoek in te stel nie. Skakel die GarsCom beheerkamer sodat `n gewapende offisier die erf kan
    deursoek. Honde wat sonder rede blaf moet asb stilgemaak word. Dit is nie net misleidend vir die patrollies nie want hulle stel ondersoek in wanneer hulle honde hoor blaf, dit is ook baie steurend vir die bure. Baie erwe is so ontwerp dat wanneer jou honde by die voorhek of agter in die erf blaf dan hoor jy dit nie in die slaapkamer nie. Wanneer bure jou vriendelik inlig dat jou hond aanhoudend blaf moet jy asb aandag gee en die probleem probeer oplos.

• Wanneer jy gaan inkopies doen of saans `n restaurant besoek wees versigtig vir die volgende:

  • Parkeer altyd jou voertuig op `n veilige plek.

  • Moet nie jou duur juwele ten toon stel wanneer jy inkopies doen of in `n restaurant sit nie.

  • Jou selfoon moet glad nie op die toonbank of tafel gelaat word nie, selfs al is jy daar.\

  • Moet nie jou selfoon in jou broek se agtersak sit nie.

  • Indien jy by `n kuierplek of reataurant was sorg dat die persoon wat nie alkoholiese drank gedrink het nie huis toe bestuur.

  • Indien `n verkeersman of Metro beampte jou stop maar sy voertuig is ongemerk mag jy weier om daar te stop en vir hom aandui dat jy op `n veilige plek sal stop. In so `n geval kan jyn dadelik die GarsCom beheerkamer skakel, die presiese plek vir die operateur aandui waar jy is en vra om die polisie te ontbied. Moet nooit omkoopgeld betaal nie.

  • Maak altyd seker dat jy nie agtervolg word oppad huis toe nie. Indien jy bekommerd is kan jy die GarsCom beheerkamer skakel vir hulp.

• Bedrog sake bly vir die polisie `n groot kopseer. Aanlynbedrog is dikwels baie oortuigend. Moet nooit op enige skakel kliek wat vir jou gestuur word nie en jou bank sal nooit vra dat jy jou besonderhede vir hulle
  bevestig aanlyn nie. As jy enigsinds twyfel of die e-pos bo verdenking is, ignoreer dit liewer.

 

GEMEENSKAPSNUUS:

​

 

• Die GarsCom Algemene Jaarvergadering sal op 25 Mei 2026 in ons splinternuwe GarsCom raadsaal plaasvind. Ons is baie opgewonde om die fasiliteit vir julle almal te wys. Maak seker dat jy die vergadering om 19h00 bywoon, die aanlyn skakel sal later gedeel word. Al die relevante dokumente vir die Algemene Jaarvergadering sal op 11 Mei op die GarsCom webblad beskikbaar wees.

• 4 tot 8 Mei is daar huis- en tuinhulp opleiding. Ons vergader elke middag van 13h00 tot 14h30. Die wat bywoon ontvang `n klein middagete pakkie. Ons gee wenke hoe om misdaad te bekamp by die huis waar hulle werk, hoe om `n brand te blus en `n kort kursus in selfverdediging. Die opleiding is elke dag dieselfde en is gratis. Bring jou huishulp of jou tuinier en woon die sessie sommer saam met hulle by. Ons vergader elke dag langs die winkel by Sasol garage.

 

Veilige week vir almal,
GarsCom groete
Carol v Niekerk

 

Taalversorg en vertaling Attie van Niekerk, GarsCom inwoner